|
مــخــتـــارات مــن قــلـــمـــي [align=center] اقدم لكم في هذه الصفحة بعض من مختارات قلمي والتي ستكون على شكل اجزاء وكم يسعدني ان تحوز على رضاكم : مشيت لدرب له البشـر يسعـون وصديت عن دروب الجهل والعتامة واقصرت يسراي عن الظلم والهون واطلقت يمنـاي للقلـم وللكتابـة وبحترم نفسي وانا شخص مصيون ومن لايحترمني ؟؟؟ صعب احترامة .................. خاويت بالدنيا انا اشكال واجنـاس من كل دين وكـل مذهـب وملـه ضربت في اخوتهم اخماس باسداس وجربت معهم جدول الضرب كلـه لكن وش حيلتك لاخانك الاحسـاس مع منهـو تجـي لـه فـازعً لـه صاحبي يوم ان قدره على الـراس ولامن طاح جيت انـا عاضـدً لـه يمشي ويطعني وانا اقـول لابـاس ادري بفعلـه وترانـي فاطـنً لـه مصير الايام تضربه علـى الـراس ومن كثر مصايبـه تشـل رجلـه ................... يارب سامحني لامني خطيـت ادري بكبر ذنبـي والخطيـه اليوم سالت الدمعـة وبكيـت من خلاً اعطيته القلب عطيـه مدري وش ذنبي لامني عطيت كـل ماملـك وقدمتـه هديـه ابي منك المغفرة لاصرت ميت وتدمح خطاي وانت رب البريه ماظن اني في بعـاده حييـت الموت وبعاده كلهـن سويـه .................... كثـر الحكـي وكثـر القـيـل والـقـال وصار ودي امسك عن الكتابـة حروفـي ماحب اجامـل لـو علـى قلبـي جبـال ولـو تنكسـر مـن الحمولـه كتـوفـي ويـن العـدل ياراعـي الـعـدل جــال علام المصالح ياصاحبي اعمت لك الشوفي ................... تباطيتـه والدقايـق تمـر سنـيـن ذبحني الشوق حتى وانا فـي قربـه نطق قلبي من التعب وسـأل العيـن وينـه حبيبـك اليـوم ماشفتـه ؟؟ ردت العين مايخليني يجـي الحيـن وان ماحضر ارسل مع الصوت همسه ................... كتبت بدمي لك مواثيـق وعهـود ارخص لك رقاب بس اشيله شقاك حبيبي هذا بعض الي قلبي به يجود من كثرحبي لك صرت احبه خطاك جف القلم وانا ودي اكتب بعد زود لجل تعرف كم احبك واحلم به لقاك ...................... ياناس من يعلمني وش اللي صـار من يوم شفته مدري وش اللي بلاني فيه ليـن الـورد وقاسـي وجبـار على محبته مدري وش اللي رماني عفواً نيوتن اقولها لـك وبإصـرار سر الجاذبية عنـد سيـد الغوانـي .......................... تقول يافيصل تـراك اتعبتنـي حيـل وانا من تعب يطرد خلـف السـراب ابيها بكل مافيها من العـدل والميـل وإن قلت مابيهـا ماصدقـت كـذاب هي تبيني او اصدق القـال والقيـل واقنع بحكي العواذل واعمل له حساب ........................ يعلم الله ماتجاهلتك بـس الظـروف ابعدتني عنك ولاتظـن انـه هـروب ماشوف غيـرك لوتخطـاك الشـوف لإنـي اشوفـك بقلبـي يامحـبـوب ماهو تغلـي.. اودلـع... و لاخـوف بس صار الحزن بوسط العين مسكوب ...................... ياعزوتي مات الحب بسبة كلامه تكفون عزوني على موت حبـه بيده قتل كل الحب واردى غرامه والدموع اعمت العين وقلب يحبه مدري وش بلاه واطلق سهامـه سامحة يامسامح ياربـي وربـه ..................... قريتني كلي ولابـه شـي فاتـك وقطفت لك زهر عمري ولك جنيت من عقبها بديت تظهـر جفاتـك ليتني ماقلت احبـك ليـت ليـت ...................... اموت واعرف وش بقى ماعطيتك ذبحتني ياخلـي بكثـر الزعـل طلبت القلب وانا كلـي اهديتـك خذماتبي بس لاتزود بقلبي علـل تقول تجاهلتني وانـا مانسيتـك القلب ماله غير ذكـراك ولايمـل ....................... مدري علامك ياحبيبي تجاهلت وخليت قلبي على كف جمـره انتظرت وانتظرت وبعد انتظرت شوف كم انتظرتك وانت ادرى ..................... ليه تجرحني بكلامك وانا معك اوفي صرت عايش مع الناس بقلب قتيل امسك الحرير واقول ياناس صوفي اختلف كل مافيني وصايـر هزيـل حبيبي ابسألك لو ماعليك كلوفـي ليه تمنـع بشوفـك لـي يابخيـل [/align] |
[align=center]تسلم يا بيوض ويسلم قلمك وإبداعاتك بالتوفيق تحياتي[/align] |
شكرا لك أخي على ردك الجميل الذي أتحف الموضوع |
قلمك راقي وذهبي ورئع فقلمك ختار لنا الراقي والمميز سلمت وسلم قلمك ذهبيا مضئا تحياتي لك |
ابدعت اخي واحسنت تعبيرا ومعنى. دام قلمك نابضا ليمتعنا كقراء لنا ذوق خاص. تحياتي الخالصة: مروة |
اقتباس:
شكرا لك على الرد أخي العزيز |
اقتباس:
شكرا لك على الرد أختي العزيزة |
| الساعة الآن 08:50 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يتسخدم منتجات Weblanca.com
new notificatio by 9adq_ala7sas
جميع الحقوق محفوظة لموقع القلم الذهبي
